憤青日記-多記看海的日子

keys in my hand~

2009-11-23T23:55:00.003+08:00

很久沒有留下片言隻語，心中有萬言，卻不知從何說起，anyways，心中想做的事，又完成了一件~
縱代價不菲，但絕不動搖~
好聽講:珍惜現在~
正常咁講:早買早享受~

Trainspotting

2009-09-03T18:13:00.002+08:00

諗來諗去都唔明，點解學生吸毒可以不獲檢控，學生有吸毒特權?
又唔檢控，又唔可以用作收集情報，咁驗來為咩呢?
又無阻嚇作用，又無助堵塞源頭，都唔知為咩?

Aimee Mann- Wise Up form the movie "Magnolia"

2009-09-02T22:59:00.002+08:00

翻開一張一張的舊唱片，重聽，舊事湧現~
it's not going to stop
til you wise up

Mojave 3 - Love Songs On The Radio

2009-08-31T18:14:00.000+08:00

蔡健雅-若你碰到他

2009-08-22T02:17:00.002+08:00

每天每夜在藍巴勒海峽、維港兩岸徘徊~
海很大，一個人很人渺小~
很多事，都無能為力~

但一個政府呢?有錢洗幾百萬俾tvb閉門接火炬~
卻不肯洗錢打擊毒品，咩pk政府lai ga!!
不知所謂!!

張懸 - 南國的孩子

2009-08-18T23:56:00.002+08:00

一向傻傻的以為，人蠢，勤力一點，無難事，但有時也要給"點"醒一下，明了，但做得到嗎?
沒有信心~
但還是要一試，我才不會輕言放手!!

iggy pop

2009-08-17T01:07:00.003+08:00

一向都不聽他的歌，不合口味~
但想不他竟然一把年紀卻赤條條地柔情地唱出...
嘩~呆了，不停地重聽~

努力，有收穫~
努力，有進步~
努力，但也有失敗的時候~

失敗，要面對~
失敗，要接受~

好羨慕，是不夠努力~
好羨慕，是不夠勇氣~
好羨慕，定是不夠聰明~

又或是太貪心~

不停地跑，縱精力旺盛，也有累的時候~
不停地跑，真得可得到想要的嗎?

看不到盡頭，放棄?堅持下去?
真的有點迷失~

but so what~

2009-08-13T02:11:00.004+08:00

每天努力~
努力工作，努力讀書，努力玩樂，努力愛~
but so what~

may be just left music after all~
let me forget everything~
let me fall into the music~

when i lost~
i must find the way out from music~

行行企企！！

2009-08-03T17:01:00.003+08:00

任職入境處 20年的總入境事務助理員鍾潔霞說：「入境處人員返工做足八個鐘，唔似得海關咁行行企企。」

我地得罪你呀!!駛唔很駛咁人樣講野呀!!有病睇醫生啦!!死8婆!!

Coldplay - Fix you

2009-07-11T02:30:00.003+08:00

When you try your best but you don't succeed
When you get what you want but not what you need
When you feel so tired but you can't sleep
Stuck in reverse.

And the tears come streaming down your face
When you lose something you can't replace
When you love someone but it goes to waste
Could it be worse?

Lights will guide you home
And ignite your bones
And I will try to fix you

And high up above or down below
When you're too in love to let it go
But if you never try you'll never know
Just what you're worth

Lights will guide you home
And ignite your bones
And I will try to fix you

Tears stream, down your face
When you lose something you cannot replace
Tears stream down your face and I...

Tears stream, down on your face
I promise you I will learn from my mistakes
Tears stream down your face and I...

Lights will guide you home
And ignite your bones
And I will try to fix you.

晴朗．烏雲

2009-07-11T00:52:00.007+08:00

那麼晴朗的天氣，烏雲卻悄悄走進來，不走開~
用盡力氣，花光智慧又如何~
天氣又豈是凡人所能改變~

強求不來，隨遇而安~
但太陽烈，總得架上墨鏡~
但暴雨狂，還是要打傘~

不逃避，不躲開!!
讓它淋，任它哂吧!!

mj

2009-07-06T18:41:00.003+08:00

舖天蓋地、無孔不入
世界咁大，每日發生咁多事，駛駛咁多呀~真係太多，上網炒飛都係新聞，係咪世界太平無事發生呀

係因為我們不關心就不報導，定係新聞媒體想控制了我們的知情權~
由mj事件中好明顯發現到，雖然唔係今時今日的事，報導世界時事，美國的新聞較多，而方向也較接近美國思維~連麥當娜向mj致敬都係新聞，真係新聞娛樂兩家親~wtf

btw mj rip

宿霧保和島 - 非常愛與相當痛的假期

2009-06-14T21:14:00.001+08:00

day 5 再到小島

因為個窗簾係 see through，晨早流流，陽光己無情的哂到去多記的pat pat~看一看，嘩!很美的日出@ alona beach，沖出去，拍拍拍拍....跟住又再瞓瞓瞓到九點先肯起身~

經過左一日的乾煎之後，雖然非常痛，還是想再次出海，相約了上次的船伕，去左一個遠d又少人又靚的小島，佢仲幫我地攪個bbq lunch tim(相信有屈水成份)~

pamilacan 係一個無咩游客的小島，但相住果d完全無設備的簡陋小屋又一d都唔平~

係果島度跑跑跳跳，又浮潛，咁又一日，原本諗住睇日落，但又天色陰沉~無法係大海中欣賞日落~

ps 接近爛尾的遊記，成個兩月都寫唔哂 @@

薪火相傳

2009-06-07T23:06:00.003+08:00

Somebody

2009-06-07T22:57:00.004+08:00

英文版 by depeche mode

中文版 by 楊乃文

多記 : 各位找到你的somebody未?找到的，請珍惜，還未找的，很快會找到~

張懸 - 關於我愛你

2009-06-07T22:42:00.003+08:00

你眷戀的都已離去
你問過自己無數次
想放棄的眼前全在這裡
超脫和追求時常是混在一起
你擁抱的並不總是也擁抱你
而我想說的誰也不可惜
去揮霍和珍惜是同一件事情
我所有的何妨何必
何其榮幸
在必須發現我們終將一無所有前
至少你可以說
我懂活著的最寂寞
我擁有的都是僥倖啊
我失去的都是人生
當你不遺忘也不想曾經
我愛你
你眷戀的都已離去
你問過自己無數次
想放棄的眼前全在這裡
超脫和追求時常是混在一起
你擁抱的並不總是也擁抱你
而我想說的誰也不可惜
去揮霍和珍惜是同一件事情
我所有的何妨何必
何其榮幸
在必須發現我們終將一無所有前
至少你可以說
我懂活著的最寂寞
我擁有的都是僥倖啊
我失去的都是人生
當你不遺忘也不想曾經
我愛你
在必須感覺我們終將一無所有前
你做的讓你可以說
是的我有見過我的夢
我擁有的都是僥倖啊
我失去的都是人生
因為你擔心的是你自己
我愛你

多記: 以最大的誠意送給各位~

毋忘64

2009-06-03T02:31:00.002+08:00

8964

二十年了

中國不一樣了

又如何

沉默等於認同，用任何的方式，去表達心中的想法，堅持下去!!

堅持

2009-05-31T22:39:00.002+08:00

香港人權監察

2009-05-26T01:03:00.002+08:00

人權值得尊重保護同維護~
我不介意被投訴或者監察，如果指控是事實的話~

我不在場，知的也少，也一定偏幫己方~
所以我不打算在這裡說誰是誰非，事實真偽，也不是為誰人辯護~

投訴濫權與日俱增，其實是什麼原因?
真的是權力過大?
看看法律、規則和程序，我們又膽敢僭越~
又有沒有人問過，執行者的感受~
我告訴大家，執行這樣的工作我覺得非常難受!!

一方面指責日益濫權，另一方面又說罪案上升~
濫權是否嚴重?我不知道，但我知道畏首畏尾同綁手綁腳~
希望可以提出一個兩全其美的方案，而不是那些不設實際的建議~

人權重要，但法紀又應成放在何方呢?

求神

2009-05-25T11:06:00.002+08:00

多記一向不問鬼神~
但不知最近小事故多了，定係多記定年紀大了，個人軟弱了，再加上每天面對風浪，看見關二哥都會向他衪朝拜一下~

出下聲啦!!

2009-05-18T16:09:00.002+08:00

每個人都有自己的諗法，態度~
我不需別人代我發聲~
我不要一個不是我選的人代表我~
我不要一個不知所謂的巨星，告訴我，中國人要管~
我不要一份又一份親政權的報章，告訴我泛民有幾攪事~
我不要看只有財經同流感消息的電視新聞~

香港人們，日日唔係facebook 就係寫blog~
寫下生活點滴、旅行趣聞、攝影分享，諸如此類~
何不也寫下心中的不滿，告訴別人，香港人都有自己的諗法~
出下聲啦，各位!!

張懸-Beautiful Woman

2009-05-12T22:02:00.000+08:00

期待她的新大碟~

蘇打綠sodagreen-交響夢

2009-05-12T21:59:00.001+08:00

中段的結他，很熟悉，但就是想不起在那裡聽過~

由清潔嬸嬸的手中拾回

2009-05-12T19:24:00.005+08:00

工作了一整夜，早上七時，呆呆的，呆呆的坐著，等待回家，一把熟悉的聲線，"喂!你有無唔見野?"~

重回到我的手上，低頭看著~
倦意一掃而空，要去食個早餐慶祝!!

抱歉讓大家擔心~
感謝清潔嬸嬸~^^

從手中掉了

2009-05-10T02:13:00.003+08:00

由擁有開始，已有預感它會失去，惡夢也發過了，如何小心也沒有用~
由上環走到北角，由一天走到另一天，也找不到，尋不獲~
萬分不願也奈何，哭腫雙眼又如何~

Damien Rice - Cold Water

2009-05-05T23:23:00.000+08:00

宿霧保和島 - 非常愛與相當痛的假期

2009-05-05T17:49:00.002+08:00

day 4 背負傷痛之乾煎多記

一早起身執野，先同隻多板咁大的蜘蛛玩捉迷藏~
本身諗住唔好哂喇，唔出海，去day tour(p1800)~
但著件衫都有困難，而太陽依然故我，仲要背住呀仔去轉resort，嘩!TT~
去到已經可以check in，間房好大，設備ok，最正係個對海的view，p2500連早餐~

之後食蕉當早餐，出發~
以下是標準過標準的行程，即係個個都係去呢d地方~

1. Blood Compact Site - 什麼什麼菲律賓人同西班牙人插血為盟的地方，係條路邊有個記念的地方咁law~可以不去~

2. Baclayon Church - 什麼什麼好舊的教堂咁law，ok la，但對面個碼頭好靚~

3. Loboc River Cruise - 什麼什麼河，又唔係好靚，所以無去到~

4. Manmade Forest - 一個涼爽茂密的森林，但又無得行下，只可係路邊影相，咁去lai仲咩呢~

5. Hanging Bridge - 一條唔多穩陣的竹橋(p10)，得左過去又無野睇，又一個唔知想點的景點~

6. Tarsier - 細個手掌的眼鏡猴，係個幾百尺的地方，得果幾隻，唔講你都唔覺ga~

7. Chocolate Hill - 之前睇過相，都覺得無咩驚喜，but 可以去下~

總結來說，覺得浪費左時間同金錢，加上又哂又痛又熱，有d後悔~

宿霧保和島 - 非常愛與相當痛的假期

2009-05-03T15:59:00.004+08:00

day 3 嚴重哂傷

0630出發，嘩，一出去已經非常哂~ 今日的行程係Dolphin Watching -> Balicasag Island Snorkelling -> Virgin Island Swimming，p1500，包接送，隻船係會剷到去最近我地住的沙灘~

海豚，唔話我知的話，我會以為係浪，個船伕話佢地今日唔係太friendly，咁就不要打擾牠們~
去Bailcasag island 食個地道早餐先，唔好食，無特別，but平 (p120二人)~

之後就浮潛，請左個無謂life guard(p400 per hr)，佢聲稱可以去深水d的地方，但其實我地係有life jacket，自己浮過去都無問題呀~

跟住就去左一個海中小小島，可能因為水漲，得個籃球場咁大，之前做功課的時候，都話要水退先靚，但我就喜歡水漲，因為可以海中暢泳，又腳仔到地~

就係係呢個"超級無敵360度藍天白雲全海景私人大泳池"，玩得太忘形，忘了補防哂，咁就燒焦左~係船伕的催促下，仲不捨，也要離開~

回到alona beach 已兩點多，食左少少野，沖個涼，搽after sun(幫唔到手)~
在染紅的天空下漫步沙灘，食過燭光晚餐，但全身興恰恰~真係好痛TT

宿霧保和島 - 非常愛與相當痛的假期

2009-04-23T23:10:00.006+08:00

day 2 海陸空的一天

一覺瞓醒，成成兩點幾，終於到埗，決定唔去酒店(book 左，但無俾$$)~

先係機場內視察，明明見到有人係departure 果邊瞓覺，但d門又鎖哂，入唔到去~(火燭點算?)

最後決定去pier 4，直接撘船去bohol 島的碼頭Tagbilaran，但呢個係錯誤的決定，因為pier 4最早個班船係0830 ，再翻睇手上d資料，係自己白痴，無睇~

之後四圍打探，距離一公里外的pier 1 係有六點船(P520 round trip)，但係都walk 左成半個鐘先到~

隻船好普通掂，但音響同冷氣就超勁，涷足兩粒鐘~(外套加寄了艙)

去到先八點幾，先坐三輪車(P20，個pat大d都坐唔落)去市中心食早餐，買電話咭(P40，真係咭only，係無分鐘ga~)

又再坐三輪車入Panglao island 的Alona beach(P200)~

去到之後，當然係搵地方落腳，睇左幾間，睇到都唔想睇，最後住左係間仲細長洲渡假屋，平平地(P1300 per night)~先補眠一下~

瞓醒都三成點幾，四周行下，搵下船家，搵下酒店，食下飯，早d瞓~

本來諗住呢個旅程係hea + 悠閒，結果第一日就咁頻撲~

盡興過後，面對現實

2009-04-22T21:54:00.003+08:00

點解d書可以咁厚ga~ j_j

宿霧保和島 - 非常愛與相當痛的假期

2009-04-21T23:18:00.006+08:00

day 1 delay flight

八點幾機，四點幾到機場，因為要約埋三五知己聚一聚~

吹下水食下野(竟然left card at merchant ，老土)，六點幾去check in，點知班機delay，仲要係無時間~

行下企下，玩下rummikub，影下相，都未入到閘~
終於要成11點幾先上到機~

傷痛回歸

2009-04-20T22:40:00.000+08:00

都幾嚴重又相當大面積咁曬傷~
咀無啦啦腫到潤腸咁~
兩隻耳仔起水泡~
俾白蚱炸親~
仲要俾馬騮咬~

就係咁，完成了宿霧保和島 - 非常愛與相當痛的假期

久違了的陽光與海灘

2009-04-13T13:32:00.002+08:00

很久沒有在香港起飛了，今次，因為不是為工作而到機場，亦知道了未來數年都不會在機場工作，
心情有點緊張~(可能係出發前放假太多)

今次不去big 6，近兩年去得有點多~
去cebu，只係因為平，好過去海南島~

我自選

2009-04-11T03:15:00.005+08:00

零晨三點~看著"我自選"三個字，聽著"我自選"，有感而發~

人生有多少事，我自選?

生，無得揀
老，無得揀
病，無得揀
死，無得揀
性別，無得揀
家人，無得揀
老細，無得揀
同事，無得揀
健康，無得揀
個樣，無得揀
身材，無得揀
朋友，有得幾多俾你揀呀
情人，又有得幾多俾你揀呀
夫妻，真係有得幾多俾你揀呀
工作，有幾多本事俾你去揀呀
瞓覺，有幾多咪瞓幾多

我係無奈的香港人，無得揀~
睇咩新聞，無得揀~(報紙，電視台播咩咪睇咩law~仲要只係得財經or娛樂)
仆街高官們，無得揀~(都唔知佢地係度做咩)
特首，無得揀~(支持普選)
國家領導人，都咪諗啦~(反對一黨專政)

多記諗來諗去，都諗唔到有咩可以好肯定係有得揀~
最多咪係可以揀的範圍內都揀下，朋友、情人、工作、夫妻，範圍又有幾大呢?

對多記來說最多選擇的相信是，音樂、電影、影相、文字~還有思想同態度~
有得揀，就要爭取最好，人生苦短，可以揀時莫遲疑~

好多事，好多時，看似沒有選擇，沒法改變，但多記堅信，努力唔一定有回報，但放棄只可等運到~

所以多記堅持，要聽好音樂，睇好電影，影靚相，看好書!!

楊乃文 - self slected我自選

2009-04-11T01:59:00.005+08:00

已忘了多久，沒有為音樂而寫下片言隻語，可能是沒空，可能是懶散，但一定不是因為沒有好音樂~
大家都知陳綺貞，大家都聽五月天，但她...楊乃文，你認識她嗎?她的音樂，多記唔瞓都向大家推薦，與大家分享~

不知從何時開始，愛上了她的聲音，愛上她的音樂~
欣賞她的型、她的串、她的態度~

零晨二點，網路上發現了她的新專輯，用她的聲音，唱出十首翻唱歌，真係首首金曲，大部份都是我的all time favour，不聽完，又如何能睡得著~

01. Fake Plastic Trees(原唱：Radiohead/ The Bends 1995)
02. Perfect Day (Feat. 陈奕迅)(原唱：Lou Reed/ Transformer 1972; Trainspotting )
03. The Drugs Don’t Work(原唱：The Verve / The Urban Hymns1997)
04. Hallelujah(原唱：Leonard Cohen / Various Positions1984)
05. 20th Century Boy(原唱：T Rex/ 20th Century Boy Single 1974 )
06. Diamonds Are Forever(原唱：Shirley Bassey/ Theme to Diamonds Are Forever 1971)
07. Falling Slowly(原唱：Glen Hansard and Markéta Irglová/ Theme to Once 2007)
08. Song 2(原唱：Blur/ Blur 1997)
09. The Scientist(原唱：Coldplay / A Rush of Blood to The Head 2002)
10. After Hours(原唱：The Velvet Underground/ The Velvet Underground 1969)
11. Miss Underwater(Maximilian Hecker 特别写给杨乃文的歌)

唱他人的歌，從來都不易~但...這張專輯是英倫搖滾金曲cross over台灣音樂精英，即是
她的聲音+全新編曲+英式搖滾+陳珊妮+陳建琪+陳奕迅=家居+辦公室+車+i pod+電話的常駐專輯

08年，多記播放最多是蔡建雅的my space
09年，可能就是楊乃文的 sefl slected

新歌 miss underwater，不禁想起 Night Shyamalan 的 Lady in the Water~

近年來，聽台灣音樂較多，不對台式卡拉ok情歌反感，但有誠意的音樂才讓我感動~
多希望有一張能讓我感動的香港專輯~

ps 零晨二時在家還沒有睡，其實因為放大假~haha.....

陳綺貞-我的驕傲無可救藥

2009-03-20T00:58:00.001+08:00

夕陽無限好

2009-03-20T00:41:00.004+08:00

歌你都唱夕陽無限好好好好，卻是近黃昏~
但有日落，才會有日出~
個地球係會轉，人總有三衰六旺，過了黑夜，又是明天啦~

Vote Earth for Earth Hour 2009

2009-03-13T21:52:00.005+08:00

生命無take 2

2009-02-12T11:19:00.002+08:00

意外，發生了數天，冷靜下來，邊個錯都已不再重要，個pk 雖然逃去無踪，但沒有成為我輪下亡魂，已是大幸~
我和同車的人也沒事，幸甚~(希望佢無嚇親)

看起來小事，說起來攪笑，但...
雙眼合上的時候，偶然會想起有人6左上車頭的情景~
雙手放在軚盤上的時候，偶然會害怕，又有什麼迎面而至~

但不知為何，事發，沉著，事後，平靜~
只係覺得d利是錢要用來整車，有d陰公~破財擋災~

各位，要珍惜，要感激~

意外，沒有人想發生，但人生中總有意外~

永和號

2009-01-20T18:15:00.002+08:00

陰天雨天晴天落雪天．鳳凰張家界

2009-01-19T11:11:00.002+08:00

day 6 晴天張家界

太陽出來了!!但結果係溶雪，仆下仆下咁law~
仆街好少事，整親呀相機同件褸就死啦~

雖然都仲係山山石石，但不同的天氣，不同的風味~

回家

又豪花$510瞓軟臥，好似張機票咁貴的火車票係值!!包廂呀!!五星級的享受，有警察，有熱水送到，有暖氣，乾淨，仲要唔駛同d陌生人一齊，成間房我地玩哂，可以聽歌，唔駛係上格床食柸麵and柑~關上燈，看著窗口，追逐星星月亮，附加燈光煙火，充滿驚喜的08年走過了~

順利到廣州，又坐$75火車返深圳，又係貴到死，架車好似機鐵咁靚，一個鐘多少少就到~

計劃旅行，旅行計劃，但總有意外，或許，旅行期待的就是意外~
曾經，為了逃避，現在，為了玩樂，將來，為了...

鳴謝:樹，唔係你件褸，多記會...同事們，我知大家辛苦喇...& thx 呀邊個~

兩岸四地華人聯署發表聲明，要求以色列立即停止加薩戰火

2009-01-17T18:55:00.003+08:00

陰天雨天晴天落雪天．鳳凰張家界

2009-01-16T18:54:00.002+08:00

day 5 雪天張家界

一早醒來，只是一夜，世界不同了，滿地是雪~

第二天，都係山山石石，又係似咩似咩咁law~但有雪，感覺就不一樣了~

張家界雖大，但不辛苦不難行，又有巴士穿梭景區，同黃山比差太遠(可能係地理關係)，物價也較合理，但厠所就沒有黃山的好了~

實在係涷，食飽飽，沖個涼，其餘時間都係係張好暖好暖好暖床上~竟然去旅行可以瞓咁多，自然醒，都破哂紀錄!!

陰天雨天晴天落雪天．鳳凰張家界

2009-01-13T13:45:00.002+08:00

day 4 陰天張家界

(吉首到張家界)

一早起來搭無字頭火車，只係$10可以搭足兩個鐘，仲有好多同胞同你迫係個拉圾堆度~真係.....好彩有i pod，好快又到張家界la~

張家界不愧係旅遊景點，個火車站又大又靚又清潔，成個機場咁~

買了回程的火車票，$510，嘩!!!!!!!!當時覺得好貴~

預先安排好，$220三日兩夜，包食住導，抵爆!但結果當然係食唔好，房唔暖~

呀山呀石呀樹，唔係似夫妻就話似雞or龜，呀...哦...，陰陰沈沈咁~當行下山law，一d都唔辛苦~
到中午的時候，唔...落雪?!嘩~~~

好冷的房間，好冷呀~寒氣逼人~好彩搵到張電毯($20)~
完全唔想郁，只有瞓law~
不明所以，瞓得好好~

願戰火會平息，病痛會痊癒，是非會遠離~

陰天雨天晴天落雪天．鳳凰張家界

2009-01-11T23:06:00.002+08:00

day 3 (鳳凰到吉首)

行街市．住酒店

折磨一夜，但都瞓到成九點，出得門口都要十點，食下野，趕集不成，都去阿拉行下，一個好大的街市~

之後坐電車(行電的車=慢)去黃絲橋古城，蕭條，完全唔似一個景點，人都無個，仲要成$60門票，唔係呀fa~走人啦，點知一個接一個的村民走出來，$20一個，$10一個，$20三個...唉...咪攪~附近行下，今次坐三輪車(3個6的電單車=抖)，出返阿拉~廣州女子要回鳳凰，交換了電郵，講再見~(之後從她的電郵發現她今天生日28/12，太遲了，沒有當面說聲生日快樂)

我們就向吉首出發，左問右問，先知係無車直接去吉首，要係天寒地涷的公路上等車，都唔係等好耐，$20中巴坐兩個鐘，但車上不停有人食煙~

去到火車站附近，決定今晚要住好d，入左一個叫假日九龍酒店，好溫暖呀~看過房，ok，奢侈一晚，都只係$100咁大把~有中央暖氣，毛巾，沖涼用品，之正沖涼都有歌聽呀ma~

到火車站買了到張家界的火車票，四周搵野食，去左食大碗飯($8 all u can eat)，時間向早，四周行下，發現了很多粉紅色的髮廊~

中央暖氣太強了，強到要熄一熄，冷卻下，再開番，先瞓~很溫暖~

陰天雨天晴天落雪天．鳳凰張家界

2009-01-08T18:23:00.002+08:00

day 2 鳳凰商業城

一早去到吉首，搭車到鳳凰，搭上了一個廣州來的女子~
天色不好，影相不美，都無咩所謂，但個推死人拉客仔，由上車sale 到落車，跟到你入房，十九幾條街，每幾分鐘就有人問候下，真係夠哂!!!!!!!!!!!!!!!!!

一天下來，走走古城，晚上再同客棧口角，結果無叫佢開暖氣(條氣唔順，涷都唔益佢，要成$20 ga ma~)，最後多記係嚴寒既環境下，瞓下又醒下咁啦~

總結，真係名大於實，唔係唔靚，真係太太太商業化了~一般般，唔去無損失law~

去前一直都想放河燈，把願望放出去，但現實，河燈是走不遠的，只是在河邊一旁，然後息滅~還看見一個可憐的河燈，給一個細路無情的踐踏，陰公~

陰天雨天晴天落雪天．鳳凰張家界

2009-01-03T09:03:00.003+08:00

day 1 火車 17+1小時

由11點幾深圳西出發到吉首，要成17個鐘，再誤點左成粒鐘，結果要第日6點先到~
聽落去好似好得人驚，但我享受，因為係食完就瞓，瞓醒又食，聽歌睇書睇風景，睇到攰又瞓，都唔記得有幾耐無咁嘆咁悠閒~
當然咁嘆的軟臥，就係貴，都差唔多成$500人仔，但值，我去左硬臥睇過，似難民營之餘，仲要都幾涷~
但今次個軟臥都麻麻地，廁所又用唔到，熱水又無，又污漕~

陰天雨天晴天落雪天．鳳凰張家界

2009-01-01T12:42:00.003+08:00

返來law~
又涷又熱~(無暖氣涷到震，有暖氣焗到暈)
有平有貴~($10企垃圾中兩個鐘，$510包廂一晚)
史上去反瞓得最多之旅!!(因為無野做又涷)
史上去反無飲過酒之旅!!(但都好迷)

發生左太多事，多記真係心都散哂，唉....
開心日子太快過，現實生活不由人....
聽又要早起....

08年超額完成!!

2009-01-01T10:09:00.001+08:00

08這一年，憑藉努力堅定，當然加上多記的聰明才智~hahah...
想要的，想做的~超哂標~
但犧牲多，愧疚深，可是竟然得到這麼多~
do i deserve?
anyway~努力目前，珍惜現在!!

09目標明確憤勇向前!!

願各位身體健康，生活愉快!!

又去反

2008-12-25T09:45:00.003+08:00

放低工作學業朋友同事~
多記又去反喇~
今次旅行不我的計劃，也不是我計劃，但有得去反好去反，還待何時~
出年見啦~

marry x'mas and happy new yr!!

organ donation

2008-12-05T01:32:00.000+08:00

包左銀線灣

2008-11-20T00:04:00.000+08:00

破不了的咀咒!!邪邪邪邪!!

2008-11-14T22:18:00.000+08:00

命運!!又再一次，係連續四次多記返新post，第一次揸車返工都係出事!!
係咪真係咁邪呀!!點解呀!!

由於多記架車入唔到沙頭角，所以諗住泊架車係聯和墟，轉小巴，都唔係好直接返到工，但一樣都係撻唔著架車，攪左成十五分鐘，成頭大汗先著到~

當好開心放工諗住攞車去影相，但又俾人放飛機~TT~
咁多記為咩要咁辛苦揸車呢?

四年一度

2008-11-13T01:03:00.000+08:00

四年前，我同大家經歷了~真的很難受，至今也難忘~
二年後，我離開了~
今天，大家預計的事情終於發生，我無奈沒有什麼可以做到~
但真的很關心&擔心各位~

我深信各位親朋好友，你地可以面對、處理and 應付到~

希望各位笑著離開!!
多記只可為大家祁福!!

機場的日與夜

2008-11-07T23:00:00.000+08:00

多記向眾舊同事，獻上最誠意的祝福與慰問~

機場的日與夜

2008-10-29T22:30:00.000+08:00

五月天-永遠都說中我們的心事

2008-10-28T21:06:00.000+08:00

突然好想你

你不是真正的快樂

出頭天

悠閒但疲累．終極腳痛遊黃山、宏村&杭州

2008-10-26T22:58:00.001+08:00

day 7 國慶萬歲

又係一早起身，但今日係去租單車，只係七點幾，都有唔少人係度租緊單車，租完之後就泊返架車係hostal， hea 下食下早餐，執好野先出發~

出車喇!!pk 喇!!典解咁多人咁多車ga~wo owowo~根本行都無路行，又如何踩車呢?但推單車都唔係一個辦法，硬著頭皮踩啦~真係亂到不得了，行人路上有單車電車，連4個6都行埋上行人路度cut 線，痴線ga~咁樣踩車，仲辛苦過行!! 最後都大著膽係人與車中間穿插，諗住放低架車係西湖行下，係無可能!!!!!!!!!成個西湖都係人，仲迫過旺角，只可放棄啦~~~~~~~~~

其實杭州真係一個好地方，多記會再去的，但一定唔揀係國慶去~

見塞車就早d去機場，但截唔到的士，要迫巴士，初時都ok ga，點知跟住好似東華三院表演，係咁迫係咁迫~ 都準時去到機場，但飛機呢? 結果又delay 左半個鐘，好彩總算係羅湖收關前返到~

就係咁結束了七天的行程lu~

悠閒但疲累．終極腳痛遊黃山、宏村&杭州

2008-10-25T23:07:00.000+08:00

day 6 回到城市

因為黃金週已經開始，所以早d起身，執包包去杭州，先坐個幾鐘車去黃山市($1x)，再坐3hrs 巴士去杭州($8x)，去到又要坐迫巴士轉的士，先去到今個tirp最正又最貴的hostal，國慶價成$260~

杭州好乾淨整齊，但交通都係.....亂，但感覺真係很好，如果唔係國慶應該會旺中帶靜，但...

由於太多人，所以租唔到單車，一路源住西湖走，走左去好旺的河坊街，呢條係一條仿古街，有好多野賣好多野睇好多野食，但都好多人law~

人到有d累，走左去飲茶，但飲左成$100law~好貴呀，有功夫式添茶表演睇，又有好多野食，多到食唔哂，結果又食又拎，hahaa....

悠閒但疲累．終極腳痛遊黃山、宏村&杭州

2008-10-23T19:41:00.001+08:00

day 5 竹林深處人家

其實今日真係好悠閒，一早瞓醒又係條村度行下，好正~

之後就去木杭竹海，佢出名係因為係呢度拍"臥虎藏龍"，所以俾我地同胞圍左做景點收錢($40)，但我一入到個竹海，我真係嘩嘩X100000....，點解可以咁靚，咁綠......
但攪左一輪，點解我影唔到咁綠ga!!哈哈!!原來我左帶黑超，成個世界的顏色都唔同哂，所以話呢人的眼睛都唔係幾可信~
行下行下，俾細路村民跟住，又呢樣又果樣，都只係想我地去佢屋企食飯，正常價錢law~係個竹林裡面食住家菜又真係幾好feel好寧靜，b4 big 6 同胞團出現之前~

又之後去左搭川($20)，把鬼，出名係因為係呢度拍"菊豆"，d村民同我地講，秋天紅葉一出就好靚咁話，唉...早知去第二度啦~~~

因為諗來諗去，都唔知食咩好，又唔想又再食徽菜，結果又去左食燒烤，竟然食左成$80，走的時候呀老闆娘仲話，你聞今天食特別多~

已漸漸feel 到黃金週的威力~

悠閒但疲累．終極腳痛遊黃山、宏村&杭州

2008-10-18T21:28:00.004+08:00

day 4 終於落山

好想快點落山，但都要睇埋日山先，今日終於成功睇到日出~都不枉四點幾起身~之後當然又係返去補眠，因為我地今日係完全唔趕，只係要盡快落山~

瞓醒食埋d剩餘物資就上路，又背上大包包出發，真係痛到.......不是一步一驚心，係每一步都痛到入心，個重點係明明下山，都要不停上落樓梯，重好鬼死斜，又好很多同胞相反方向返面而來，想停低休息耐d都唔得，攞命呀!!!!!!!!!!!!!好彩天氣不錯，心情都好一點~

千辛萬苦，幾經耕辛，終於都行到去索站道，真係頂唔到，死死地氣花多$80搭索道落山~

落左山，之坐$13蚊車返湯口，放下行李，鬆了一口氣，食過飯，係湯口走一走，包車去宏村($100)lu~

宏村($80)係一個係有中國特色的社會主義下，一個非常成功的古鎮景點，建築太多都保留番徽式風格，又有足夠的旅遊配套，但不失寧靜~

但保安相當嚴密，唔係話安全，係話逃票，出入都有d好似黑社會的人要查票，but still 非常鍾意這個活生生仲有人住有人生活的村子~睇見d相都會明~

悠閒地行下行下，見到有燒烤，仲可以叫人燒，又唔駛又食徽式住家菜，即刻坐下，雖然要係話好好食，但坐係路邊&河邊，一邊食燒烤飲啤酒，好feel ~又平~

悠閒但疲累．終極腳痛遊黃山、宏村&杭州

2008-10-08T22:11:00.003+08:00

day 3 太陽出來了，腳痛也來了

成晚都瞓得唔好，但都四點幾起身，睇日出，一醒果下，以為自己隻腳唔郁得~

好彩仲行到去睇日出，由個山頭無人，等到好多人，都等唔到日出(TT)~唯有返去瞓一瞓~頂!!瞓瞓下有人開門，好無攪錯呀!!!度門鎖左，佢係用鎖匙開ga!!!(最後我發現人地d房靚d，呢間可能係求其用來租俾人住~)

瞓醒之後，發覺真係唔掂，用左$120，挑左我個大包包去下一站先，我地就輕裝上路，太陽高照，霧也散了，感覺良好...但....

一路行一路行，不停的上上落落樓梯，係non-stop!!!全日大約行左九個鐘，我諗有超過三份二時間係上落樓梯，沒完沒了咁，睇住個地圖話100m 上下差，以為好少野，點知可以係先上50m，再落80m，上50m，下20m etc!!!全日都係咁，真係好"痛"苦~~

今日食方面，又係乾糧啦~eg 即食粥，柸麵，麵包+炸菜咁law~

住方面就好d，但要同4個廣州同胞+1個南京同胞一齊住同一間房law~一間相信係雙人房既房改放左四張碌架床，有三張係痴住，好彩我地瞓上格，二個人瞓三張床，唔駛同d同胞瞓~~

果四個廣州同胞都幾無品ga~話我地摔腳deep hot 臭，又話我地郁來郁去攪到佢瞓著左都醒番，頂!!瞓上格係咁ga la!!! 至攞膽係係間房度吐痰，ka too!!! help me out ar!!!!!!!!!!!當時我好希望盡快離開黃山~還好房個電視開唔到，所以大家未夠九點都瞓哂喇~`

悠閒但疲累．終極腳痛遊黃山、宏村&杭州

2008-10-06T19:07:00.002+08:00

day 2 霧鎖黃山

一早出發去黃山(門票$200，學生半價)，雖然係索道上(即係on 居 360 果種)，但帶住個大包，都幾甘ga~又要行錯路，一路又引來不少奇異的目光~
全日都超級大霧，咩都睇唔到，但都唔知點解又唔知為咩，都行左成八九個鐘，為跟住個兩日行程種下禍根~

食方面當然係乾糧+柸麵啦~
因為黃山d野實在大貴，三餸飯成$50，標間大約$700~

今日最精彩係住個間房，原本係訂左六人房床位($190)，但佢又俾左間雙人房，以為執到"筍"野，唔駛同人住，但係間房發哂mo，厠所無門，得塊就跌既簾，小強就當然有啦，最勁既係張床有"菇"!!!!!!!

仲有果張床褥，係超薄型，有直接瞓係木版上的享受!!

悠閒但疲累．終極腳痛遊黃山、宏村&杭州

2008-10-05T01:16:00.001+08:00

序

很久都沒有跟比外遊了，同過往一樣合拍寫意，十分感謝佢處理左好多技術上的問題，多記計劃的，佢都實行哂，萬分感謝!!

今次行程順利悠閒，但都有好多難忘的事，相當精彩，多記會盡力盡快去完成這個遊記，當然唔少得靚相啦!!

day 1 山長水遠到黃山，山腳~

一大清早係深圳出發，坐飛機到杭州(來回1100人仔，抵!)，好順利咁上左機，但無啦啦話"空管"，咁就係隻機度困左成粒鐘，之後再坐多二個鐘先到杭州，之後再坐一個鐘巴士出市區($20)，又之後再坐的士到杭州西站($20)，又再坐三個半小時高快巴士($100)，先到湯口鎮，即係黃山山腳~

hea 下食下徽式住家菜(無咩特別)，買一大推乾糧(山上的東西好貴，所以要係山下買)，安排行程咁就一day la~

悠閒但疲累．終極腳痛遊黃山、宏村&杭州

2008-10-03T00:22:00.001+08:00

回來啦~~
很累真係很累~
但真的很正很好玩~
影左好好好好多相~
希望盡快可以同大家分享~

分別先送上黃山的日出&宏村的早晨~

回來後又要面工課和工作~

離開一下

2008-09-23T21:40:00.000+08:00

離開一下工作
離開一下工課
離開一下家庭
離開一下朋友

在狂風暴雨下出發~

一星期係有八天?!

2008-09-22T18:55:00.000+08:00

返shift的人，like me，成日都唔知星期幾~
日日只係知聽日係返早or晏or通宵~
而當要諗返之前幾時做過d咩野，就會係咁: 上個term 第二更早law~(幾號唔知星期幾唔知~)

九號波下回家

2008-08-22T18:07:00.002+08:00

九號波高掛，可以早少少走~but ...no bus la~
so 多記坐左兩個鐘mtr + kcr ，轉左六次車(有一次係因為掛住傾電話而搭過左龍)~
本身都唔鍾意坐地鐵，今次真係一舖清袋，攞埋多記條老命呀!!!!!!!!!!!!!!!!!!!!

ps 最新消息仲話要掛到清晨，big 0 coke la~又要坐兩鐘車?!

連中三元!大演帽子戲法!!

2008-08-21T22:00:00.000+08:00

又掛8號，咩事次次都中正多記當值ga~ 又要冒住風雨去上班~唉...TT

以下係兩個非官方的天氣web site，都幾多野睇ga~

香港熱帶氣旋追擊站
香港地下天文台

順利完成!!

2008-08-09T01:44:00.000+08:00

仲於都考完試~
雖然係考一科，但折磨左足足十個月~
主要係讀第一科，唔知頭唔知路，呢科又超深又超多功課又多又超難做~
到考之前的一個月，訓唔安玩唔落，只要做返工返學溫書以外既野都充滿罪惡感~
再用盡所有可行的方法提神，eg齌啡當水飲...先撐到今日~
讀完唔死，都一身散~
本來多記諗住無人明白讀呢科有幾苦，但好後期又俾多記遇上舊友人，當時真係覺他鄉遇故知，可惜相逢恨晚，但都同多記共同渡過左最後的艱苦歲月~

結果...打開份卷，都不禁笑左出來~

辛苦左咁耐，考完食番餐，唔知係大家講d野太好笑，or心情好，笑到肚痛and停唔到~
佢地就好啦，讀完，多記仲有好長的路一個人去走TT~但總算有個好開始~

今晚可以訓番多d~and 吸取少d刺激性食物飲料~

but 多記仲有兩大份功課未做TT~

多記的奧運

2008-08-02T00:37:00.000+08:00

奧運都未開始，多記日日都已經係奧運，日日都挑戰極限!!

我相信都無幾多個人好似多記咁憎恨痛恨呢個奧運~
工作上~算!!
政治上~好難接受!!算!!
私人上~8月8日是一決生死之日!!

多記已用盡可行的方法，堅持下去，不要倒下!!不要輸俾自己!!

中國人的奧運

2008-07-27T22:03:00.000+08:00

近照

2008-07-18T17:58:00.000+08:00

香港牛柳

2008-07-16T00:44:00.001+08:00

http://www.beefstory.com/

多記作為一個香港人而感到蒙羞!!
多記作為一個華人而感到慚愧!!
多記也希望他們所相信的主，能祝福他倆~

香港人的家駒

2008-06-30T00:31:00.002+08:00

香港精神之香港國際"漏水"機場

2008-06-26T00:07:00.000+08:00

好似遲左少少先寫，但真係忍唔住要講下~

我想信相好多人因為咁對香港機場好失望，but !!漏水 only jar 真係好少事~what 's a big daul ~又唔會死人~~

但大家又知唔知係八號波下，當日的航班運作有幾正常，商店餐廳照常營業，背後要有幾多人係狂風暴雨下，努力維持機場的正常高效率又安全的運作!!呢d又見有人去報導下!!

不要太過表面，不要盡信傳媒~

香港機場係代表香港，體現出香港人精神!!
香港機場漏水，表現出香港人的膚淺!!

happy or not? birthday of Aung San Suu Kyi

2008-06-18T12:59:00.000+08:00

雨後總有陽光?

2008-06-10T16:14:00.000+08:00

典解要塞車呀!!!!!!!!!!!!!

2008-06-07T19:24:00.000+08:00

典解由朝塞到晚呀!!!!!!!!
多記究竟點先返到工呀!!!!???????

咁會唔會塞到多記聽朝放工呢?

名牌薯片特別包裝安放骨灰

2008-06-05T00:24:00.000+08:00

美國品客薯片（Pringles Potato Crisp ）包裝筒設計人鮑爾（Fredric J. Baur），上月以89歲高齡辭世，家人應其生前立下的遺願，為他尋找了一個不一樣的安息之所，就是把他的部份骨灰放進品客薯片筒內。鮑爾是於5月4日在辛辛那提離世，家人特別按照他的要求，把他遺體火化後，將部份骨灰放進一個品客薯片筒內，連同裝有其餘骨灰的骨灰龕，放進墳墓內。鮑爾的兒子勞倫斯說，父親一直為其獨創的品客薯片包裝盒設計深感自豪，因此特地立下遺願，死後骨灰要放進一個品客薯片筒內。鮑爾本身是有機化學及食品儲存技術人員，擅於研究、發展及品質控制，一直為總部設於辛辛那提的寶潔公司（Procter & Gamble Co.）工作，直至1980年代退休為止。在1966年，他為自己設計的品客薯片筒及有關的薯片包裝方法，申請專利，直至1970年獲批。

多記都想bor~

6419

2008-06-03T23:51:00.000+08:00

當大家為四川為緬甸的受難者哀傷之時，請不要忘為19年前的死難者

2008-05-19T14:28:00.000+08:00

宿命!!開口中!!邪!!

2008-05-13T01:27:00.003+08:00

真係一不離二，二不離三~

唔知大家仲記唔記得~

話說一年前，多記第一天返機場，揸車返，架車撻唔著~
半年前第一日返龍鼓灘，架車又係撻唔著~
今日係重回機場後，第一天揸車返，順利平安到埗，但...當我車住滿車同事由機場返沙田的時候，去到大圍迴旋處前的街市時候，發口痕指住個油燈講左句: "重有油呀~"(當時油燈己著&仲有細半格)，都唔夠一分鐘，去到大圍迴旋處架車已經行唔郁，同事們幫我推左架車去大圍火車站後~無奈地打電話求救，等左一輪，重要有蚊咬，到有電油到的時候，又倒一地係，最後攪左輪先返到屋企~

呢個故事話俾多記聽or教訓多記：
1)無油就早入，唔好博~(明明知無油都唔死去入)
2)新post第一次揸車返工唔好車同事~(因出事率去到100%)

邪係因為:
1)多記揸車雖然唔係好耐，都係出事過三次，但典解每次都係新post第一次揸車返工就出事?
2)開口中~

好彩:
1)唔係係高架路段出事~
2)好同事幫我推架車埋一邊~
3)有人送外賣電油~

下次新post第一次揸車返工，不載客~

兩難

2008-05-10T19:38:00.000+08:00

轉載自龍應台-野火集

有個叫蘇格拉底的老頭，你大概不認識。

他已經七十歲了！深凹的眼睛，白花花一把鬍子。在牢裏關了好幾天了；明後天等船回來，死刑就要執行。這天清晨．他剛睡醒，一小格窗子透著一點光，非常希臘的天空。

克瑞圖是個有錢的老朋友，已經滔滔不絕用盡了口舌，懇求蘇老頭逃獄。“錢，包在我身上，”他說，“更何況，你死了，誰來照顧你的小孩？”

可是蘇老頭頑固得很，他一本正經地說：“雅典政府以‘妖言惑眾’判我死刑，固然不合理。但是我如果逃獄而破壞了雅典的法制．那就等於以其人之‘惡’還治其人，使我自己也錯了。你要知道，兩
惡不能成一善。

當我對一個制度不滿的時候，我有兩條路：或者離開這個國家；或者循合法的途徑去改變這個制度。但是我沒有權利以反抗的方式去破壞它。讓雅典人殺我吧！我願意做一個受難者而死，不願做一個叛逆者而生。”

蘇老頭仰頭吞了毒藥而死黃黃的藥水流下來，弄髒了他的鬍子。

※ ※ ※ ※ ※

另外有個人叫梭羅，喜歡獨來獨往。三十歲那年，一個人到森林湖畔搭了個木頭房子，自耕自活。有一次在樹林裏升火烤肉，差點把康考特的林子燒了一半。

這天黃昏，正在散步的時候，梭羅被抓進了監獄，、理由是他拒絕付稅。他認為政府用他繳的錢去支持戰爭（美國人欺負墨西哥人）及黑奴制度，有違他的個人良知，他以立即的、反抗的行動來抵制他認為是錯的法制。

“面對不合理的法制時，我們應該盲目地遵從嗎？還是暫且遵從，同時慢慢地循合法途徑去改革？還是立即地反抗，來抵制、破壞這個法制？”

梭羅問著，而他的回答理直氣壯：“盲目的遵從是最低級的愚蠢。不必考慮。尋求改革途徑，時間拖得太長。人生有多少日子？又不是吃飽飯沒事幹，一天到晚綠頭蒼蠅似地去改造社會。人生在世為了生活，不是為了改革。所以對付一個不合理的制度，最好的辦法就是立即地抵制。”

梭羅並沒有盡興；在牢裏興奮地睡了一夜，第二天就被那個慈善心腸的老姑媽代繳了稅金，贖了出去。倒是一百年之後，在古老貧窮的東方，有個叫甘地的人盡了興，帶了千萬個人去“立即地抵制”一個不合理的制度。

※ ※ ※ ※ ※

愛恨分明的紐約最近也出了一個人物。戴著金絲眼鏡、很文靜秀氣的葛茲坐在夜車裏，一心想回家泡個熱水澡。四個年輕的黑小子圍了上來，跟他要五塊錢。紐約的人都知道，五塊錢的下一步大概就是頭上五個窟窿。那個臉上有條疤的傢伙上個月才把一支槍抵在一個老女人的脖子上，搶走了一條金鏈子。

但是文靜的葛茲怎麼辦呢？沒有員警來保護，沒有乘客敢幫助——他究竟應該，如蘇老頭所說，做一個守法的受難者；還是如梭羅所說，做一個違法的反抗者？換個問法，他究竟應該任這四個人把他毒打一頓、刺上兩刀，然後到警局報案；或是應該拿出手裏所有的武器打擊敵人，使自己成為法紀的犯人？

戴眼鏡的葛茲在搖搖晃晃的車中站起來，說：“我給你們一人五塊！”

他連發了五槍。有疤的那個被打中脊椎，半身癱瘓，他今年才十九歲。而葛茲，
在家裏等候法庭宣判他的命運。

※ ※ ※ ※ ※

還有個中國人，你或許沒聽說過，叫張系國。他坐上了計程車，惡司機不但繞了路，還要下車來打架。這位高級知識份子的張博士居然撩起袖子來跟司機當街對峙起來。

代表法制的員警先生來了，卻認為，打架是不應該的，若輪到他，就該讓司機給打傷了，再去告他傷害罪。

也就是說，萬一給扁鑽刺死了，那麼就由末亡人到法庭去告他殺人罪，皆大歡
喜。

一個制度無力保護個人的時候，個人有沒有權利保護自己？

就法制的基本原則而言，我們不能容許個人的“執法”。如果每個人都拒絕繳稅，如果每個人都拿起槍來像約翰韋恩把“壞人”給“幹”了，如果每個人都撩起袖子來打架；我們或許就回到了原始蠻荒的時代，人人靠一己的齒尖牙利，適者生存。法制之所以重要，我們說，是因為它使齒不尖、牙不利的渺小的個人也獲得保障。

可是，如果“法”的存在是為了“個人”，為什麼“個人”卻經常要為了“法”而犧牲呢？對於梭羅而言，政府的存在是為了保護個人的權益，但當他在爭取個人權益的時候．政府反而要懲罰他。對於葛茲而言，他保護了自己——達到了“法”的目的，卻同時也犯了法。只有蘇格拉底那個老頭，他根本就放棄自己、犧牲個人，所以與法相安無事。

當所謂“法制” 已經成為一個巨大的、僵硬的方格子，把每一個血肉做成的“人”鎖在一方方小格子裏的時候，這個法是不是違背了當初之所以有它的本意？當一個員警要老百姓讓惡人打傷了再去報案的時候，人是不是已經“文明”得糊塗，忘了“文明”究竟是為了什麼？

※ ※ ※ ※ ※

所以我很怕聽人說“學校榮譽”，因為我知道，為了這麼一個抽象的框框，有多少“不聽話”、“不受教”的學生要受到殘酷的壓制，多少特立獨行的個人要被塞進框框裏，呼吸不得，動彈不得。

我更不忍心聽人宣揚五代同堂的美德。在那個和諧的表面之下，有多少半夜的歎息、破碎的夢想、解體的個人意志，一切都為了一個抽象的理想、一個原本造福個人而往往犧牲個人的制度。

法制、國家、社會、學校、家庭、榮譽、傳統——每一個堂皇的名辭後面都是一個極其龐大而權威性極強的規範與制度，嚴肅地要求個人去接受、遵循。

可是，法制、社會、榮譽、傳統——之所以存在，難道不是為了那個微不足道但是會流血、會哭泣、會跌倒的“人”嗎？告訴我。

原載一九八五年二月五日《中國時報‧人間》

天災?人禍?

2008-05-09T20:26:00.000+08:00

天災常有，人禍何時止?

近期熱播主打-上海灘

2008-05-08T21:30:00.000+08:00

火炬手?!曾憲梓!!

2008-04-30T19:56:00.000+08:00

好無攪錯!!!!!!!!!!!!下略120個粗口........

紅．大理

2008-04-23T14:44:00.000+08:00

香港戰後史上最早的三號波

2008-04-20T00:53:00.000+08:00

對大家嚟講，今日只係又一個打唔成八號波的日子，但對多記嚟講，就係最後一日係無何奈何碼頭，開心的日子真係特別快過~

收拾細軟，收拾心情，重回機場，接火炬，迎奧運!!

ps 拎哂d野番屋企之後，間房係路都無得行~好彩只係今晚~

九天暴走雲南 day 9

2008-04-07T21:17:00.000+08:00

回家-昆明到香港

巴士大約五點幾就返到昆明，但司機都任我地瞓，都瞓到七點幾~之後係昆明兜兜轉轉左輛，又買唔到手信，又要坐飛機走~

昆明機場好似搶錢咁，可樂要$25，水要$10，係咪癲?!

後記:

衣-由廿幾度到幾度，都幾難攪，著衫著到好千層糕~
食-米線米線米線米線....都唔知食左幾多次，都唔係無野食，但係唔算多同十分正
住-平靚正!!
行-攞命~車程長，路況不好，車不好，都咪話唔驚~

廁所-正!!返過big 6的人都明，果種堆積如山的千年旱厠!!

一口氣寫足咁多日，終於都完成，都幾辛苦!!但知道都有人睇都安樂d~
雖然仲有少少野想同大家分享，但都要休息下先and 做埋功課先(TT)

ps 明明話食下午茶g ma~又會食到成8點?!

九天暴走雲南 day 8

2008-04-06T19:28:00.003+08:00

瞓巴士-奔子欄到麗江

成日都無咩野做過，主要係食同坐車返麗江，本身最後有個景點叫依拉草原，但因為要趕住返昆明，所以就無去到，先返麗江~

返到去麗江，先買車票返昆明，有一對夫婦，sell我地坐佢地架車，見架車都ok，時間ok，又可以平少少($120)，又即時有票，但佢仲死話有兩個"正位"，係最前面的下舖，由於無坐過呢d車，就係咁中伏!!

首先，介紹下呢種有床瞓的巴士，分左中右三行，上下有兩床，張所謂的床約呎半X六呎，有被有枕頭~而最前面的下舖，即係最多人行的地方，又比其他位少左個架擺野，而我張床仲有部電影左很住我~big 6 慣例~有人食煙同超賣!!食煙情況唔嚴重，其實超賣都唔嚴重，慘係慘在，其中一條佬加張床瞓係我左隔離，另外又有一條就坐係右隔離，真係"正位"!!但我竟然都仲瞓得著~

ps 幫人係好，但要使我部電腦度出現棒x堂or跌落海~真係有d難接受(TT)~

九天暴走雲南 day 7

2008-04-05T15:30:00.001+08:00

滿地黃金+透唔到氣-德欽到奔子欄
海拔3000米

一早起身，走出旅館，著哂可以著既衫，面又唔洗，牙又唔擦，都係為左睇日照金頂~個太陽出來後會照住個雪山個頂，但我覺得就照唔到個頂，但係有一條金黃色的陽光照耀住個雪山law~

之後飲過酥油茶(都幾好飲)，就去徙走明永冰川，其實係行山去睇個冰川，而唔係行冰川~其實係由二千三百幾行上三千米，黃金泥濘，行到成身大汗，雙腳乏力，透唔到氣，都幾辛苦咁行到上個冰川觀景台，都ok ga~仲睇到小型雪崩tim~落山就舒服d，去到中途食個杯麵，充滿力量la~

又要坐好多個鐘頭車先可以登番去奔子欄，唔知係咪驚我地悶，加插左係漫天風雪的推車活動俾我地~本身個架車已經唔係咩雪地戰車，呔係普通呔，d紋都幾淺下tim~係一條有雪加結了冰的路上根本就起唔到步，一次係咁，重有第二次，攪下攪下車都唔著tim~咁就唯有係雪地玩下啦~驚都無用~

最後都平安去到奔子欄，係夜左少少咁，沖涼水唔夠熱果下慘a ma~

ps 今日又食，中午帶左飯都唔食，食左一大盒馳名無可奈河碼頭"聽左都會笑的味菜班腩飯"，夜晚又食北京酒樓+糖水，兩日勁食狂飲後，終於都食滯左，多記個胃終於反抗，半夜作出獲利回吐~

九天暴走雲南 day 6

2008-04-04T20:51:00.003+08:00

嘩!!雪山呀!!-香格里拉至德欽
海拔4292米

一早起身，感覺良好，係香格里拉轉個圈，食個早餐，去松贊林寺，好靚!!色彩豐富!!影相的好地方!!

坐車去德欽要成六個鐘，主要都係山路，係咁轉呀轉呀，唔暈都轉到你暈~其間都有個"月亮彎"既景點，大部份人都攞唔到全景，所以我部22mm ricoh gx100即時引來不少艷羨目光，hehehe....

下一站，白茫雪山，其本上四周都係雪，得一條公路，無其他，只係有一個牌供人拍照留念，但係d雪真係好深，多記咁大個人都未見過咁多雪~係4292米上雪戰，轉瞬間，都累了 ~

最後去到飛來寺，完全唔見個寺係邊，其實只係得一條街的鎮仔，唔係住的地方，就係食的地方，大家到呢個地方的目的都只有一個~由於海拔高，氣溫低，加上房內無廁所，又唔沖涼~

ps 今晚又去豪食露比，送享利一程，發現佢大個仔左好多，終於勇敢咁踏出第一步，祝佢生意興隆!!

九天暴走雲南 day 5

2008-04-03T21:17:00.001+08:00

消失了的地平線-香格里拉(中甸)
海拔3300米

天睛!先係束河走走，跟住返麗江古城隨團出發，先去住個長江什麼灣，然後向中虎跳出發，其實係行山ja~一般難度la~風景ok la~都幾壯觀ga~傳說的天梯，真係一條梯，三四層樓咁高到la，但係啊就鬆鬆地咁law~

行完幾個鐘山，行到腳仔軟，當然要飲番支可樂，但係買唔到雪凍左，仲同我講，夠凍ga la，唔係fa，當時我相信至少有十度ga wo~唔凍都要飲住先la~係雲南要買雪凍左的可樂真係都唔易，就算係個雪櫃拎出來，都無用，因為個雪櫃可以無著的!!

離開虎跳峽之後，就一直向香格里格進發，海拔越來越高，當去到三千米的時候，突然，咳左兩聲，開始有d唔妥，高原反應，感覺好似作感冒一樣，情況不嚴重~

租過大衣($20)，食過飯，走一轉鬼異的古城~

ps 血壓好低，整天都情神不振，視力模糊，相當嚴重~

九天暴走雲南 day 4

2008-04-02T17:28:00.002+08:00

落雪-瀘沽湖至麗江

一早起身先飲幾柸咖啡!!吊左幾日癮，幾大都要飲番幾柸，上足電去睇日出!!但世事無咁完美，灰灰暗暗咁，睇唔到日出，but落雪呀!!

食過中飯，又要上路喇，返麗江，先背著我的大包包，翻過幾個山頭(誇張法)，去到路口，好彩有架麵包車係度等緊我地去寧浪($30)~真係非常迫，坐足8個大人，個包仲要放係車頂，同行人話: 如果跌左你個袋，佢賣左架車都唔掂!大家可想而知架車有幾正~

之係個呀嬸知我地要去麗江，賣我地去坐另外一架高快，見架車大架咁多，價錢都差唔多($30)，算啦~開頭都幾多位，但攪上攪下又超賣，big 6 人真厲害!!又登下登下又返到麗江~

返到麗江，下著細雨~如果明天也下雨的話，我們join 左去四天香格里拉的loacl tour($700) 就唔會出發，哎呀~無帶呀晴天娘娘tim~~跟住冒著雨去束河古城借宿一宵la~正呀，外面古色古香，唔係翻新or仿造，內裡設備齊全，廁所靚熱水勁~

ps 論盡既多記今日又跌左個銀包，好彩有個好心人，執番俾我，太感動喇!!究竟多記一年要跌幾多次隨身貴重物品ga?!

九天暴走雲南 day 3

2008-04-01T23:39:00.002+08:00

趕路-麗江至瀘沽湖

一早起身發現先知每天去虎跳峽的車已經走左，又唔想包車，左騰右騰，左度右度下，決定先去瀘沽湖，但直到瀘沽湖的車都走埋，只可坐到寧浪的中巴($26)，再轉車~

照舊d人都係咁係架車食煙，頂住我個肺呀!!真係好傷!!
沿途風光明媚，但見到d想6落黎的山泥and 有d已經係條所謂的公路上，都有少少驚，唔驚中車，都驚封路~

壞車!!個司機即場表演整車，勁!!仲要成個人企上副"計"到，嘩你係咪識ga~好彩著得番車，但條司機就成日望住副"計"渣車，唔好咁啦，好多對頭車ga~

條路真係又登又多彎，勁過頭文字d(左上圖)~終於登到去寧浪，又要坐麵包車再登去瀘沽湖里格($30)，里格比較靜同遠，所以又要三個幾鐘，個司機想幫我地逃票，收半價，但失敗左，佢同賣飛個困人傾唔掂數，只可俾全票，好彩多記有學生證ja~去到都差唔多九點，成身散哂~

今晚住YHA，間房正呀，$120有露台!但熱水唔夠熱~

ps 今晚睇左個節目，專訪左個有讀寫障礙的醫生，多記覺得自己都有讀寫障礙表徵bor，個個字都唔識寫，又成日都記唔到野~但可惜我唔係醫生~

九天暴走雲南 day 2

2008-03-31T21:59:00.000+08:00

喜出望外-大理至麗江
(海拔1990米)

一整晚都係瞓下醒下咁，醒來都成七點，瞓到唔願起身，都瞓ok la~

坐車到大理古城，買左下午中巴車票($45)到麗江，咁就係大理行下，先去左什麼"三塔"，都痴線，門票要成$121，之後又去左洱海碼頭，又要成$150~所以都無去~

但係無意之中都疑似桃花的物體，加上城樓，不錯!!
之後坐車去麗江，頂!!有人係車食煙~要頂三個幾鐘呀!!

去到麗江都夜，坐麵包車去古城，個衰人司機介紹我地去左間客棧($70)都幾好，但佢吹水話香格里拉封路，去唔到，真係俾佢嚇一嚇，好彩之後問多幾個人都話無d咁既事~
麗江古城係一個theme park，遊客商店超多~極易迷失方向!!

ps 回到香港，返左四日工，開始重拾工作狀態同心情，但一通宵加三早，使我有點累，兩日內我之少飲了一公升咖啡~

九天暴走雲南 day 1

2008-03-30T19:30:00.005+08:00

前言

好耐都未出門玩過，今次放棄了電影節，新人新地點新風格到雲南走一會~
人係貪心的，想最短的時間內去最多地方，但只係到此一游又如何，or有去左總好過無去?
雲南山多，而路亦崎嶇，光陰虛耗於車上~pat pat 受了不少，但美景當前，拍下，艱辛又如何~

無聊第一天-昆明
(海拔1900米)

一早起身五點幾起身去深圳機場，坐九點機到昆明，去到食過米線，買埋當晚硬卧到大理的火車票($86)，都只係中午，又去唔到石林，只可寄存背包($3)，然後在昆明浪蕩一下，無特別~

但可能係多記見識淺薄，我未見過人連牌都剪(左上圖)就著件衫出街or 恤住頭出街(右圖)，仲好自然咁~莫非佢地就係雲南十八怪?!

行完一輪街之後，又再食米線，就去火車站~
因為唔想有人騷擾，瞓上舖~真係要有番d身手先上到去，重要拎埋背囊上去一齊瞓，都唔知張床係個袋瞓定係我瞓?起身當然不能~

由於出發前連日都睡得不好，真係驚係個咁環境瞓唔到，咁就俾左個借口我去買野飲，本身想飲啤酒only，但係唔涷，剩番56度二鍋頭，但多記竟然可以成支飲哂，都無咩事，都唔知係咪假?!但當然最緊要係燈都未熄就失去意識直到天明。

ps 看來我真係要換電腦了，實在係太慢喇!!!!!!!!!

重回機場!

2008-03-28T19:19:00.000+08:00

放工瞓醒食野完，就四圍走，諗住快d去哂相，快d有得睇，點知要幾日先有得攞，唔開心，回家中途又收到消息要係奧運期間要重返機場，唔開心X2!!唉!!

但收一個唔關我事的好消息，恭喜哂!!
成功係因為你有能力，加上努力，你應得的!!

最後拎番一筒拍左好耐，又連單都無埋的相~ok la~

拖著疲勞的身軀回來~

2008-03-27T19:51:00.000+08:00

超額完成!!
九天~
暴走雲南~
踏著泥濘，踏著雪，踏著屎~
由昆明走到德欽~
由海拔1900到4292米~

又回到玩實世界，今晚仲要返工~(TT)

出發根本無想到可以走咁多地方~
詳細慢慢講給大家聽呢個艱辛之旅~
但要等下law!!

ps 多謝旅伴的照顧，無你一定去唔到咁多地方!!祝你快d好返~

憤青日記-多記 看海的日子

keys in my hand~

Trainspotting

Aimee Mann- Wise Up form the movie "Magnolia"

Mojave 3 - Love Songs On The Radio

蔡健雅-若你碰到他

張懸 - 南國的孩子

iggy pop

but so what~

行行企企！！

Coldplay - Fix you

晴朗．烏雲

mj

宿霧保和島 - 非常愛與相當痛的假期

薪火相傳

Somebody

張懸 - 關於我愛你

毋忘64

堅持

香港人權監察

求神

出下聲啦!!

張懸-Beautiful Woman

蘇打綠sodagreen-交響夢

由清潔嬸嬸的手中拾回

從手中掉了

Damien Rice - Cold Water

宿霧保和島 - 非常愛與相當痛的假期

宿霧保和島 - 非常愛與相當痛的假期

宿霧保和島 - 非常愛與相當痛的假期

盡興過後，面對現實

宿霧保和島 - 非常愛與相當痛的假期

傷痛回歸

久違了的陽光與海灘

我自選

楊乃文 - self slected我自選

陳綺貞-我的驕傲無可救藥

夕陽無限好

Vote Earth for Earth Hour 2009

生命無take 2

永和號

陰天雨天晴天落雪天．鳳凰張家界

兩岸四地華人聯署發表聲明，要求以色列立即停止加薩戰火

陰天雨天晴天落雪天．鳳凰張家界

陰天雨天晴天落雪天．鳳凰張家界

陰天雨天晴天落雪天．鳳凰張家界

陰天雨天晴天落雪天．鳳凰張家界

陰天雨天晴天落雪天．鳳凰張家界

陰天雨天晴天落雪天．鳳凰張家界

08年超額完成!!

又去反

organ donation

包左銀線灣

破不了的咀咒!!邪邪邪邪!!

四年一度

機場的日與夜

機場的日與夜

五月天-永遠都說中我們的心事

悠閒但疲累．終極腳痛遊黃山、宏村&杭州

悠閒但疲累．終極腳痛遊黃山、宏村&杭州

悠閒但疲累．終極腳痛遊黃山、宏村&杭州

悠閒但疲累．終極腳痛遊黃山、宏村&杭州

悠閒但疲累．終極腳痛遊黃山、宏村&杭州

悠閒但疲累．終極腳痛遊黃山、宏村&杭州

悠閒但疲累．終極腳痛遊黃山、宏村&杭州

悠閒但疲累．終極腳痛遊黃山、宏村&杭州

離開一下

一星期係有八天?!

九號波下回家

連中三元!大演帽子戲法!!

順利完成!!

多記的奧運

中國人的奧運

近照

香港牛柳

香港人的家駒

香港精神之香港國際"漏水"機場

happy or not? birthday of Aung San Suu Kyi

雨後總有陽光?

典解要塞車呀!!!!!!!!!!!!!

憤青日記-多記看海的日子